Цаг уурын мэдээ > Хөдөө аж ахуйн цаг уурын тойм
2024 оны 9-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм
2024 оны 9-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм
2024-10-01 Есөнбулаг сум
10 хоногийн тойм бичвэр: Говь-Алтай аймгийн нутгаар 2024 оны 9-р сарын гуравдугаар арав хоногийн байдлаар агаарын дундаж температур Алтайн өвөр говиор 12.1-13.7 градус дулаан, бусад сумдад 4.9-10.5 градус дулаан байлаа. Агаарын хамгийн их температур Шаргад 26, Алтай, Тооройд 25, Бигэр, Халиунд 24, Даривт 23, Жаргалан, Төгрөгт 21 градус дулаан, бусад сумдад 16-20 градус дулаан байлаа. Агаарын хамгийн бага температур Чандмань, Есөнбулагт -11, Баян-Уул, Дарив, Цогт, Эрдэнэд -10, Хөхморьт, Тайширт -8, Бугат, Жаргалан, Цээл, Дэлгэрт -7, бусад сумдад -1-6 градус хүйтэн байлаа.
Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 13-16 градус дулаан, бусад нутгаар 6-12 градус дулаан байлаа. Хөрсний гадаргын хамгийн их температур Алтай, Тооройд 46, Халиун, Шаргад 45, Хөхморьт, Жаргаланд 44, Бугатад 43, Бигэр, Даривт 42, Цогт, Тайшир, Баян-Уулд 40, бусад сумдад 37-39 градус дулаан байлаа.
Хөрсний гадаргын хамгийн бага температур Эрдэнэд -13, Есөнбулаг, Тонхил, Баян-Уулд -12, Дарив, Цогт, Цээл, Чандманьд -11, Бугат, Тайшир, Халиунд -10, бусад сумдад -2-9 градус хүйтэн байлаа.
Хур тунадасны хувьд ихэнх нутгийг хамарсан ба Есөнбулагт 10.0 мм, Дэлгэрт 9.2 мм, Төгрөгт 6.6 мм, Гуулинд 4.3 мм, Жаргаланд 4.0 мм, Тонхилд 1.5 мм, Баян-Уулд 1.4 мм, Халиун, Цээл, Цогтод 1.1 мм, Дарив, Хөхморьтод 0.7 мм, Шарга, Тооройд 0.6 мм, Эрдэнэ, Бигэрт 0.5 мм, Алтай, Бугатад 0.4 мм, Чандманьд 0.3 мм хур тунадас орсон байна. Харин Тайшир сумд хур тунадас ороогүй байна.
Салхины хамгийн их хурд Бугатад 25 м/с, Тонхилд 21 м/с, Эрдэнэд 19 м/с, Алтай, Цогтод 18 м/с, Тооройд 17 м/с, бусад газруудад 7-16 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.
Малын усан хангамж: Малын усан хангамж сайн.
Малын тарга хүч: Малын тарга хүч дунд зэрэг байна.
Малын хорогдол: Малын хорогдлын мэдээгээр мал хорогдсон гэсэн мэдээ багийн дарга нараас ирээгүй байна.
Ургамлын мэдээ: Говь-Алтай аймгийн нийт нутгаар бэлчээрийн ургамлын ажиглалтын талбайд ургамал ихэнх нутгаар хаталт хагдралт ажиглагдаж байна.
Хянасан: Цаг уурын хэлтсийн дарга / Т.Дэлгэрмаа /
Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ / М.Гүнбилэг /